كازنوفا ..............!! تعالى وشوف مين هو ده

طبعا انا كازنوفا هذا العصر
او دون جوان
طبعا بتقولوا ليه يعنى
انت مين يعنى
هقولكم
انا مفيش بنت شافتنى إلا واعجبت بيا
انا مش عاوز اقول واعيد اكتر من كده لتحسبوا انى مغرور
لكن صدقونى اللى فى مكانى لازم يكون مغرور
طبعا هتقولوا انى عامل سحر للبنات
لا طبعا من غير سحر
حتى السحر مش هيعمل كده
مش هتتخيلوا ازاى هما بيحبونى
كفى فقط انى اقولكم انه من اول نظرة بيقعوا فيا
تفتكروا السحر بيعمل كده
اعتقد لا

طبعا انا مش هتكلم عن الاحضان والقبل اللى دايما يقابلونى بيها
انا ساعات بكون مكسوف من كده بس هعمل ايه
ساعات دا بيرضى غرورى
مفيش واحدة تقدر تقاومنى
مفيش
الا لو طبعا واحدة معقدة
وحتى لو هيه كده
نظرة واحدة منى بفك كل عقدها
وتقع فى حبى على طول
انا مش مصدق انهم بهذه السهولة
ومهما كانت اللى امامى
بنت فرى
بنت مؤدبة
بنت ملتزمة
او حتى متزوجة
مفيش
ولا يمكن اى واحدة تقدر تقاومنى
مش مصدقين طبعا
طيب اهو انا هوريكم
والتجربة خير مثال
فيه واحدة هتزور اختى النهاردة
واحدة ملتزمة
ها الاختبار صعب
طيب انا هوريكم
اهى وصلت
بالضبط دقيقة واحدة وهتقع فيا
مش مصدقين
اظبطوا ساعتكم و لن تمر الدقيقة حتى
خليكوا معايا
طبعا دلوقتى اختى خرجت تجيب ليها الشاى
دلوقتى هدخل انا
احسبوا الوقت
ها

مش معقول ايه الجمال ده مش ممكن
قالتها صديقة اختى وهيه تنظر الى بانبهار
ها كملت النص دقيقة
وتقدمت صديقة اختى نحوى وهيه تبتسم
واخذتنى فى احضانها وقبلتنى

تفتكروا فيه سحر يعمل كده

دخلت اختى فى هذه اللحظة
اخ...... دى شافتنا
قالت صديقة اختى وهيه مازالت تقبلنى
الله ما شاء الله اخوكى جميل اوى .... عسل جدا
ضحكت اختى وقالت
فعلا مش عارفة الحلاوة دى جايبها منين مع انه عنده خمس سنين
مسكت صديقة اختى خدى واعتصرته وقالت
يا ولد يا جميل ..... جبت الحلاوة دى منين
اى اى اى
بكيت بصوت مرتفع
واااااااااااااااااااءءءءءءءءءء
دى اكتر حاجة بكرهها فى كل البنات
خدى... خدى... حرام عليكم
ابقوا بقا سكتونى
مش هاااااااااااااااااااااااااااسكت