اولا مرحله الولادة
**********************
كل ولد عنده هوايه ببطن امه اللي عباله انه قاعد بملعب كره ويسوي نفسه بيكهام ويقعد يستعرض حركاته ومره شايت المعده ومره رافس جبده الام
واللي يسوي نفسه مستكشف ويقعد يلعب بالحبل السري عاد تصدقون اختي حامل بصبي شيطان لاف الحبل السري على نفسه الله يستر عليه
والصبي يمص دم الام كله آفه آفه من واهو ببطن امه حتى لو تلاحضون الام الحامل بصبي شعرها يطيح وويها اصفر وكله يعطونها فيتامينات وماكو فايدة
---------------------------------------------------------------------
ثانيا مرحله الرضاعه
***********************
بعد مانولد الصبي يبدأ يحن اربع وعشرين ساعه يبي يرضع ليل ونهار خلص حليب الام واهو ماشبع ومايعرف في ناس مافي ناس حتى لو الام بالسوق يقعد يبجي ويسوي سالفه واق ويق مايخلص مايسكر حلجه الا ممية ام لتر ونص لوووووول وعلى فكرة الام تعاني اذا بتفطمه تحصل منه سب وطق وعوار راس هذا عقب ما رضع 3 سنين بدل السنتين
--------------------------------------------------------------
ثالثا مرحله الحبو
***********************
اهني بعد ماحط اطرافه الاربعه عالارض يبدأ يخبص ويعفس الدنيا يلحق الام كل مكان تلقاه يزحف وراها ويتخشش ورا الباب والاهل يدورونه ويقلبون البيت عليه وبالاخير يطلع لهم من ورا الباب التمساح الصغير واهو مشرع الحلج ويقولهم عليكم واحد
وسبحان الله بالفطرة ياخذ اي شي قوطي كلينكس ريموت ويلعب فيه سيارة كلهم نفس الشي
----------------------------------------------------------------
رابعا مرحله المشي
**************************
بهالمرحله يفكر نفسه كبير خلاص
لحد يشيلني
وخرو عني
انا اكل بروحي
لاتقربون صوبي
لحد يبوسسني
شيل ايدك عني
اففف يعل قلب امه وابوه
وكله يبي يلعب صيده مصيده بالبيت وتذكرون الكره اللي كان يلعبها ببطن امه الحين صار الملعب اووسع خصوصا ان في اشياء تتكسر يعني اكششششششن ولحد يقوله اقعد ترا الصبي بطبعه عنيد ويحقرررررررر يعطي امه وابوه طاف من قلب
----------------------------------------------------------------
خامسا : مرحله دخول المدرسة
*****************************
اهني يبدأ يكبر راسه على اخوانه اللي اصغر منه اقولكم سالفتي مع اخوي اللي اكبر مني بسنة وشهرين
وطبعا ما ننسا انه الصبي كل يوم يرد من المدرسة مشقق بنطلونه قميصه وصخ نظارته مكسوره ودمامينه طالعه حشى تقول قطاوة مو صبيان كل يوم متهاوشين هذا غير لما يكتب الواجب امه تعيز منه ولا يسمع الكلام واخر شي تقوم الام تفك روحها وتكتب عنه الواجب وتحل المشكله يعني الولد من واهو صغير كسوووووووووول ويبي من يسوي عنه واجباته
مرحله المراهقة
**************************
اهني عباله انه ريال البيت ويسوي نفسه كبير لحد يناديني حمود اسمي محمد احترمو نفسكم لوووووول ويناشب خواته لاتطلعين لاتلبسين لا ولا ولا والله مايفيد فيه الا زفه من ابوه يخليه يحترم حدوده
وبهالمرحله يسوي نفسه مؤدب ومايحب يقعد مع بنات خالاته يعني كبر وصار يستحي ويعني انا عندي ربع اطلع معاهم وكله تلقاه بالاكوابارك من 9 الصبح لي 12 بليل
واذا بغير يروح الرحاب يشتريله سي ديات حق البلي ستيشن لوووووووول
---------------------------------------------------------------
مرحله العشرينات ( الشباب)
اهني تبدا الهياتة وسوالف مالكم شغل فيني انا مسؤول عن نفسي وانا ريال اطلع وين ما ابي وارد وقت ما ابي وتلقاه يشد حيله بالثانوي واييب نسبه عالحفه تدخله الجامعه بس عشان القز
وتلقاه كله بشارع المطاعم ويرد كل يوم سيارته مدعومة واذا ساله ابوه عن الحادث ماكو الا جواب واحد " يبا والله واحد غلطان علي دعمني وانحاش وانا مالحقت اخذ رقم سيارته " لووووووول حفظها الابو
---------------------------------------------------------------
مرحله الزواج
****************************
اهني يتشرط مع ويهه ابي بيضة وشعرها اصفر من المنبت لووووول يعني مو تغشوني تعطوني وحده صابغه شعرها المشكله اهو اجلح وشعره فلافل ويتشرط جذي
وقبل الزواج يسوي نفسه سنع جدام بنت الناس بس يملج عليها يبين على حقيقته ولا شباب هالايام معاريس يدد يخلون البنيه بالشقه ويبسطون بالقهاوي متعودين على حياة العزوبيه مادري ليش يبلشون البنت المسكينة معاهم
-------------------------------------------------------------
مرحله الابوة
*********************
حتى بهذي يتشرط يبي ولد يشيل اسمه مايبي بنيه واذا مرته يابت بنت حملي بسرعه عشان اتييبين لي ولد عباله الولد ايي بامسح واربح مايعرف شنو عذاب المراة بالحمل واللولادة
وحتى لو ياله ولد الام تسهر وتتعب عليه وتجابله وتربيه وهذاك وقت ماوده اخذه ولعب فيه ورد قطه بالفراش
ويتشيحط جدام ربعه صرت ابو لاتناديني باسمي نادوني بوفلان خخخخخ بس هذا اللي هامه
-------------------------------------------------------------------
لووووووووووووووووووووووووووول
لوووووووووووووووووووووووووووووووووووووول بدون زعل يا الشباب
ضحكو يا البنات كااااااك
موضوع: شاهد مراحل نمو الشباب .. (( للبنات فقط )) بدون (( لقافه الشباب )) 
الثلاثاء يونيو 17, 2008 4:38 am
