واحد ....... حب ينتحر من الدور العاشر رمى نفسه من
الخامس مرتين
واحد ....... فتح محل جواهرجى عمل أول يوم ببلاش
واحد ....... بيقول لصاحبه شوف العالم الهطلة يدفعوا 25
مليون دولار علشان بن لادن أمال لو كان بن محوج كانوا
عملوا إيه
واحد ....... سافر بره خمس سنين متواصلة لما رجع القاهرة
لقاهم بيحتفلوا بسبوع إبنه بقى ماشي فرحان أوي ويقول
موجودين بنخلف مش موجودين برضه بنخلف
واحد ....... راح أمريكا لقى الناس لابسين تي شيرتات مكتوب
عليها بيبسي وكوكاكولا لما رجع البلد كتب على التي شيرت
بتاعه عصير جصب
الأمريكان والروس بيترسموا على بعض .... الأمريكان
يقولوا إحنا أول ناس طلعنا القمر والروس يقولوا لا إحنا
أول ناس طلعنا القمر ... واحد ....... كان واقف إضايق أوي قالهم
إنتوا لما طلعتوا القمر لقيتوا إيه هناك ؟؟؟ قالوله طوب
ورمل وزلط قالهم إحنا اللي مطالعينه
واحدة بتقول لجوزها عمرك ماقلتلي كلمة
تحسسني إن أنا مرآتك قالها إنتي طالق
جماعة ..... سمعوا عن إختراع إسمه السيفون حبوا
يعرفوا هو إيه بعتوا واحد منهم أمريكا لما رجع قالهم أما
السيفون ده حتة إختراع يا رجاله تدوس على السيفون ويا
تلحق تشرب يا متلحقش
واحد ....... مفتاح عربيته ضاع ميكانيكي جه فتحاله بطفاشة
تاني يوم عمل نسخة من الطفاشة
واحد ....... حب واحدة إتجوز أختها علشان يضمن يشوفها كل
يوم
واحد ....... خرج من الجيش ومعاهوش أي صنعة فتح كشك شرطة
عسكرية
بيسألوا واحد ....... بيقولوله المصري بنى الأهرامات
والياباني بنى إيه ؟؟؟ قالهم بنى سونيك
واحد ....... إشترى كمبيوتر شال الفارة وحط جاموسة
واحد ....... عاوز يزور فلوس جاب ورقة بعشرين جنيه وزورها
بالضبط بس غلط وكتب بدل الـ 20 (18) وراح يفكها من
القاهرة راح لأول واحد قاله عايز أفك الورقة دي الراجل
قاله الله يخرب بيتك زورتها إزاى وخد الورقة ومشي
وإستغرب أوي إن الراجل عرف دي مزورة منين وقال أنا هآرجع
البلد أفكها من هريدي ولد عمي راح له و قاله والنبي
فك لي الورقة دي قاله والله مفيش جنيهات تآخد
ورجتين بتسعة
واحد ....... إشترى موبايل ركبله جهاز إظهار رقم الطالب
واحد ....... إتفرج على إعلان مارلبورو تاني يوم راح إشترى
حصان
واحد ....... جاى ينزل من باب العربية لقي الدنيا بتمطر راح
نازل من الباب التاني
عملوا مسابقة للي يجيب أكبر قطة جابوا صعيدي وألماني
وأمريكي الألماني دخل جاب قطة 5 كيلو والأمريكي دخل جاب
قطة 10 كيلو الصعيدي دخل ساعة ساعتين ولسه مخرجش دخلوا
يشوفوه لقوه ماسك فيل وقاعد يضربه ويقوله هتنونو يعنى
هتنونو
واحد ....... دايخ في كل محلات الموبايل ومش لاقي طلبه وراح
شركة نوكيا برضه مش لاقي طلبه علشان عايز موبايل بقرص
واحد ....... إشتري عربية شبح طلع على الطريق السريع علشان
يجربها فشغل الراديو لقي المذيع بيقول هنا لندن الصعيدي
قال يلعن أبو السرعة
واحد ....... بيعمل كشف نظر طلع نظره 6/6 فبيقول لصاحبه أنا
كنت ممكن أجيب أكتر من كده بس الدكتور اللي لخبطني
واحد ....... صغير بيسأل أبوه بيقوله ليه ربنا خلق لنا
الودان قاله علشان نعرف العمة هتجف لحد فين
واحد ....... واقف قدامه 5 شياطين 1 بيوسوسله و 4 بيفهموه
واحد ....... نزل في محطة الرمل رجله غرزت
مدرس حشاش كان بيعلم التلاميذ في الفصل ج ضمة ج جوزة
.... ح فتحة ح حشيش ... ب فتحة باء بانجو
3 بيحششوا في متحف برونز حصل كبسة الثلاثة عملوا
تماثيل أول واحد الضابط ضربه بالقلم قال أي الضابط خده
تاني واحد الضابط ضربه بالقلم قال أي الضابط خده ثالث
واحد الضابط بيضربه بالقلم راح قايل تنننننننننن
مسطول بيقول لصاحبه إمبارح شفت فيل أحمر طاير فوق
عمارتنا صاحبه قاله ياكذاب هو فيه فيل أحمر
مسطول راح محطة بنزين لقي شلة بنات واقفه حب يترسم
قاله إملالي بـ 500 جنيه بنزين
مسطول إتصل بنمرة قالهم محمود موجود قالوله لأ
النمرة غلط قالهم مادام النمرة غلط بتردوا ليه
2 مساطيل دخلوا متحف لقوا هيكل عظمي مكتوب عليه 1600
ق .م فواحد بيسأل الثاني إيه 1600 ق.م دي ؟؟؟ قاله
تلاقيها رقم العربية اللي خبطته
مسطول ماشي لقي زحمة جامدة أوي فبيسأل فيه إيه ؟؟؟
قالوله دول بتوع الأرصاد بيشوفوا هلال رمضان فالمسطول
طلع وقف معاهم وهم مش لاقيين الهلال فالمسطول بيبص كده
لقي الهلال راح قايلهم أهه الهلال أهه إنبسطوا منه أوي
وإدوله 10 جنيه فرح أوي راح باصص الناحية التانية
وقايلهم فيه هلال تاني أهه
موضوع: نكت جامده طحن 
الأربعاء يونيو 18, 2008 1:09 pm
