ص: انتى بتحبى ربنا ؟؟؟
ربنا كمان بيحبك وعايزك تخبطى على بابه تيجى نقرب شوية ونخبط على الباب يمكن ربنا يقبلنا ويفتح علينا
س: بس الابواب كتيرة هنخبط على اى باب فيهم؟؟؟؟
ص: تعالى نجرب مع بعض نختار واحد
س: اه رايك نبدا بالباب ده؟ ده مكتوب عليه الندم والاستغفار
ص: طب يلا كل واحدة تقعد مع نفسها خمس دقائق تفتكر فيه الذنوب اللى بتعملها عشان تستغفر عنها
س: بس ده احنا ذنوبنا كتيرة اوى هنفكر فى اه والا اه
ص: احنا بس نحدد ثلاثة ذنوب بس نستغفر منهم ونحاول منرجعلهاش تانى
س: ماشى يلا نبدا ... انا قرات مرة ان اللى يقول ( استغفر الله اللذى لا اله الا هو الحى القيوم واتوب اليه ) غفر له وان كان فر من الزحف
ص: خلاص احنا نقول بلسانا ( استغفر الله اللذى لا اله الا هو الحى القيوم واتوب اليه) ونفكربعقلنا فى الذنب اللى عايزين ربنا يتوب علينا منه ونندم بقلبنا بجد على اننا وقعنا فى الذنب ده
ونبكى بالعين خوفا من عذاب الله وطمعا فى كرمه وغفرانه ونعزم بضميرنا انه منرجعلهوش ثانى ابدا
س: وكمان ممكن نتصدق بايدينا ولو بشىء بسيط لان الصدقة تطفىء الخطيئة كما تطفىء الماء النار ونمشى بارجلنا لدرس الذكر والقران فى المسجد لان الحسنات يذهبن السيئات
موضوع: س: انا بحبك يا رب بحبك قوى 
السبت مايو 31, 2008 8:48 pm
