استخدم عقلك(اعرف انت فين)(في مصر)بس شوف*ربنا يتوب علينا يلاااااااااااااااااااااااااااااااااااااااااا

السلام عليكم ورحمة الله وبركاته
زمان كنا نسمع ان ده بيقبض 1000 جنيه نقول ياااااااااااااه ايه ده كله ربنا يزيد ويبارك ده مرتب جامد جدا
لكن للاسف في الوضع الحالى الى ذى الفل ده هاوريك ال1000 جنيه تعمل ايه ياولداه

عيش بلدى بمعدل نص جنيه يوميا انت والمدام يعنى 30 جنيه في الشهر ده لو عرفت تقف في الطابور اساسا والخساير الى هاتروح بيها من تقطيع هدوم ووشتيمه وضرب[IMG]file:///D:/يتوب%20عليــــنا%20ربنا%20-%20نجوم%20اف%20ام_files/26-74.gif[/IMG]

كيلو فول في الاسبوع يعنى 125 جرام في اليوم تاكلهم وتحمد ربنا وتبوس ايدك وش وضهر ان في عشا حوالى 33 جنيه شهريا

2 لتر زيت في الشهر عشان نشربلنا حبه نزيت النافوخ والباقي نعمل بيه بطاطسايه مقليه ادى عندك 20 جنيه

25 جنيه نت عشان تيجى تكتب كلمتين زى دول واخرتها النت فاصل تلت تربع الشهر

كارتونه بيض في الشهر عشان نلاقي حاجه نفطر بيها عالصبح عندك 20 جنيه والبيض بقا عامل زى العفريت حبه فوق وحبه تحت وحبه يفقس ومنلاقيهوش

عندك لتر لبن في الاسبوع عشان الكالسيوم والعضمه تبقي حديد هاتاخدلك في الشهر ب15 جنيه لتر يادوب في الاسبوع بس قول يارب يطلع لبن وميطلعش سوبيا

شويه خضار كده حلوين بمعدل كيلو من كل نوع في الاسبوع طماطم علي حزمتين جرجير علي علي لمونه لكل واحد يعصرها علي نفسه من الى بيشوفه علي كوسه الى بقت 7 جنيه هانوصل ان شهريا 60 جنيه بالصلاه علي النبي

بردو نجيب شوية فاكهه نفرفش نفسنا بيهم كيلو قشر برتقال علي قشر بطيخ وحتتين مانجا ضاربين في السوق بمعدل كيلو من اى صنف في الاسبوع عندك 35 جنيه في الشهر

عندك كيلو سكر اسبوعيا يعنى 4 اكياس بتاع 10 جنيه في الشهر

نيجى للرز وده اساسي يعنى لو لقيناه هانظبط نفسنا بكيلو في الشهر ناخدلنا 200 جرام في اليوم كده نعملهم عالغدا ونحمد ربنا عندك 16 جنيه شهريا اهم



المكرونه المصري ام 2 جنيه بتاعتنا دى هاتجيبلك اربع كياس في الاسبوع اهو تسد شويه في الغدا يبقا 32 جنيه شهريا

الفراخ كاك كاك هاتجيبلك فرخايه في الاسبوع وتقعد تشرب في شربتها لحد اخر الشهر واظن فرخه رضاااااااااااااااااااا في الاسبوع ياسعدك ياهناك يعنى اربع فرخات في الشهر بتاع 100 جنيه

حته لحمه بقا حمرا كده حلوه بردو من نفس الواحد تجيبلك كيلو في الاسبوع انت والمدام والاود تقضوا بيها الاسبوع الحزين ده مع الخضار والشوربه وحزمة الجرجير يعنى 130 جنيه في الشهر

اللحمه والفراخ من غير توابل متنفعـــــــش لازم توووووووابل نجيبلنا اشي ملح علي كمون علي فلفل اسمر وشويه شطه ب10 جنيه

النضافه بقا الصابون علي المساحيق والغسيل والغساله بقا مش هنغسل بميه بس هاتجيبلك كام كيس اريال علي مسحوق فيري للمواعين وسلك مواعين وصابونه واحده للحمام يادوب هاتدخلك في 15 جنيه

طبعا هاتحلق شعرك ولا هتسيبه كانيش كده عندك الحلاق الواد مقص هاتديله 8 جنيه والواد الصبي الى ماسك البتاعه الى بينفض بيها الشعر دى هاياخد جوز جنيهات مع ماكينه حلاقه في الشهر عشان دقنك الى هاتقعد بيها شهر بحاله كل مالموس يبرد تسنه زى السكينه كده ادى 13 جنيه

مصاريف الاولاد مواصلات علي كراريس علي جلاد وقص ولزق علي مصروف يومى 50 جنيه ده لو عيل قنوع يعنى

اكيد بعد ده كله هاتامرض مانت مش تشوف ده كله وتبقي سليم هايجيلك صداع مزمن يوميا من الى بتشوفه وسكر وضغط وقلب والله اعلم هاتاخدلك 50 زيهم ادويه ليك وللمدام وللطفل الى علاطول عنده برد ومناخيره محمره الرشح

مواصلات يوميا جنيه بتاع الاوتوبيس الى بتتشعبط فيه الصبح ادى 60 جنيه

الغاز الطبيعي دخل بيوتنا الحمد لله ووفر العشره جنيه بتاعت الانبوبه وبقت 5 جنيه غاز ياسلام لو كل حاجه ب5 كده

طبعا عداد النور عمال يووووووور ليل ونها مروحه علي تلاجه علي تليفزيون مبيتقفلش ولمبتين تلاته مفتوحين مش هايجيلك اقل من 50 جنيه نور حتى لو قاعد في الضلمه هاتدفعهم هاتدفعهم

تصليحات الاجهزه بقا مره التلاجه تعتطل مره البوتاجاز ميولعش لمبه تتحرق كده يعنى هاتاخدك 50 زيهم للخساير المحتمله

مياه ملوثه الى بنشربها طبعا والحمد لله بوس ايدك شعر ودقن 10 جنيه شهريا

المدام بقا لازم تاخد مصروفها ماهو لو مخدتوش يبقا مش هاتدخل من باب الشقه هاتديها خمسايه في اليوم تمشي نفسها بيها بقا وتجيبلها حتتين قماش تفصلهم ادى 150 جنيه

اللبس لما تتمنجه وتلبس الى عالحبل هما يادوب تحوشلك 50 جنيه كل شهر وتجيبلك كسوه الشتا بالصيف طول السنه خدلك 50 علي جنب اهم شهريا بس حوشهم مع المدام



ايجار شقه بالميت 300 جنيه ايجار جديد

عندك بقا المناسبات وما ادراك بالمناسبات عيد الام ربنا يخليها ويديها الصحه ادفع لا وايه هاتدفع تمن الهديه الى مراتك هاتجيبها لوالدتك يعنى الضعف هاتجيبلك هديتين تص كم الواحده ب50 عشان حماتك ترضي عنك والوالده ادى 100 جنيه

عيد ميلاد المدام هاتاخدها خروجه حلوه كده في عزومه اى حاجه والسلام خمسينايه عالسريع ادفع ومتفكرش


نيجى للحساب في الاخر بتاع الشهر هاتلاقيه 1489 جنيه وشكر الله سعيكم


ملحوظه ملحوظه عشان تعرف تعيش لاخر الشهر


عندك شويه ممنوعات احترس منها هاتبوظلك الميزانيه(قال يعنى واقفه علي دى)
ايااااااااااااااك والمربات والحلاوه والقشطه والسمنه الزيت موجود وزى الفل والعسل والكلام الفاضي ده كده تبقا رفاهيه زايده

ايك ثم اياك تدلع ابنك بكيس شيبسي ولا بسكوت الشمعدان ولا حتى بسكوت العفريت الواد يبوظ منك وكل يوم يقولك هات متدلعوش هو باكو لبان ياكل فيه ولما يزهق يحط اللبناه في التلاجه لحد الصبح ورشله عليهم شويه سكر ويكمل اكل فيها

ابعد بقا عن اللحوم وكترها لاموزه ولا ريش ولا فخده كفايه الكيلو الاسبوعى انت هاتدلع فيهم ايه اكتر من كده

وانسي بقا الفراخ البانيه والفيليه والكلام ده واياك ايااااااك تدخل السمك بيتك عشان الريحه بس واهو توفير بردو كفايه تغنوا في البيت في البحر سمكه بتزق سمكه

طبعا مش هاوصيك بقا لابسبوسه ولا كنافه ولا جلاش ولا جاتوه هاتدفع وبعد ماهتدفع هاتجيب معجون سنان يعنى مش كفايه تمن الى هاتاكله لا هاتدفع كمان تمن المعجون افترا ورفاهيه فاضيه مش محاتج اقولك مفيش تدخين طبعا عشان صحتك يابنى

واهم حاجه ابعد بعد تام عن اعلانات الاكل واعلانات اللبس واعلانات المطبخ ومتقربش من اى مطعم لا ماكدونالد ولا مؤمن ولا حتى مطعم كشري انسي لو نفسك هفتك علي حاجه خد المدام وعدى من قدام محل كفته كده خدلك شمه من الدخانه وانتى معدى مع المدام
تخيلوا بقي ياجماعه لوبقييت مسئول عن اسره بشكل ده يا تري هتعمل اييييييييييييييه؟؟؟؟؟
وفي النهايه احب اقولكم
يـــــــــتوب عليـــــــــــــــــنا ربــــــــــــــــــنا

تسلم على الموضوع الجميل